Ջաննի Ռոդարի

Կար-չկար մի տղա, որն ամբողջ օրը սրան-նրան ձանձրացնում էր իր հարցերով: Հարցեր տալն, իհարկե, վատ բան չէ, ընդհակառակը, հարցասիրությունը գովելի է, բայց վատն այն էր, որ այդ տղայի հարցերին ոչ ոք չէր կարողանում պատասխանել:

Ասենք, գալիս էր ու հարցնում.

 — Ինչո՞ւ դարակները սեղան ունեն: Մարդիկ զարմանքից աչքերը չռում էին, կամ էլ հենց այնպես պատասխանում.

 — Դարակները նրա համար են, որ նրանց մեջ որևէ բան դնեն, օրինակ՝ սպասք, դանակ, պատառաքաղ և այլն:

 — Ես գիտեմ՝ ինչի համար են դարակները, բայց ինչո՞ւ դարակները սեղան ունեն:

Մարդիկ թոթվում էին ուսերը և հեռանում:

Մի ուրիշ անգամ նա հարցնում էր.

— Ինչո՞ւ պոչը ձուկ ունի:

Կամ թե՝

 — Ինչո՞ւ բեղերը կատու ունեն: Տղան մեծանում էր, բայց շարունակում էր ինչուիկ մնալ, և այն էլ՝ ոչ թե սովորական, այլ՝ թարս ինչուիկ: Մեծանալուց հետո էլ նա դիմում էր բոլորին զանազան հարցերով: Պարզ է, որ ոչ ոք չէր կարող պատասխանել նրա հարցերին: Բոլորովին հուսահատվելով՝ թարս ինչուիկը տեղափոխվեց մի սարի գագաթ, իր համար խրճիթ շինեց և այնտեղ հնարում էր նոր-նոր հարցեր: Հնարում էր, գրում տետրի մեջ, իսկ հետո շատ էր չարչարվում, որ գտնի դրանց պատասխանները: Ամբողջ կյանքում նա այդպես էլ երբեք չգտավ իր հարցերի պատասխանները:  Եվ ինչպե՞ս գտներ, եթե նրա տետրում գրված էր. «Ինչո՞ւ ստվերը բարդի ունի: Ինչո՞ւ ամպերը նամակ չեն գրում: Ինչո՞ւ նամականիշները գարեջուր չեն խմում»: Աստիճանաբար նրա մորուքն աճեց, մի երկա՜ր մորուք դարձավ: Հարցասերը չէր էլ մտածում այն սափրել. դրա փոխարեն նա նոր հարց էր հորինում. «Ինչո՞ւ մորուքը դեմք ունի»:

Երբ նա մահացավ, մի գիտնական ուսումնասիրեց նրա կյանքը և զարմանալի հայտնագործություն կատարեց. պարզվեց, որ այդ ինչուիկը սովոր էր գուլպաները թարսերես հագնել և այդպես էլ հագնում էր իր ողջ կյանքում: Հենց այդ պատճառով էլ մինչև վերջ չսովորեց ճիշտ հարցեր տալ: Հապա նայիր քո գուլպաներին, ճի՞շտ ես հագել:

 Հարցեր և առաջադրանքներ

1. Նշված բառերն առանձնացրո՛ւ և բացատրական բառարանի օգնությամբ բացատրի՛ր:

Ուսերը թոթվել — ուսերը թափ տալ

Զանազան-բազմազան, տարբեր

Խրճիթ- գյուղական, փոքրիկ, փայտե տնակ

2. Քո կարծիքով ինչո՞ւ էր Ինչուիկը տարօրինակ հարցեր տալիս:

Իմ կարծիքով Ինչուիկը թարս հարցեր էր տալիս, որովհետև նա գուլպաները թարսերես էր հագնում։

 3. Քեզ համար ի՞նչն է ձանձրալի:

Ինձ համար ձանձրալին այն է, երբ ինձ հետ ոչ-ոք չի խաղում։

1. Փորձի՛ր պատասխանել Ինչուիկի հորինած հարցերին:

ա. — Ինչո՞ւ դարակները սեղան ունեն:

Դարակները սեղան ունեն, որպեսզի իրեր դնենք նրանց մեջ։

 բ. — Ինչո՞ւ ձուկը պոչ ունի:

Պոչը ձուկ ունի, որպեսզի կարողանա լողալ։

 գ. — Ինչո՞ւ բեղերը կատու ունեն:

Բեղերը կատու ունեն, որովհետև կատուն այդպիսին է։

 դ. — Ինչո՞ւ ամպերը նամակ չեն գրում:

Ամպերը նամակ չեն գրում, որովհետև նրան հասարակ փոշու կույտեր են։

 ե. — Ինչո՞ւ մորուքը դեմք ունի:

Մորուքը դեմք ունի, որովհետև այն աճում է, երբ մարդը դառնում է չափահաս։

• Տեքստից դուրս գրի՛ր բարդ բառեր և օգտագործելով նրա մասերը՝ նոր բառեր կազմի՛ր:

—————————————————————————————————————————————————————————————————————————————————————————————————————————————————————————————————————————————————————————————————————————————————————————

• Դուրս գրիր ինչպիսի՞ հարցին պատասխանող բառերը:

————————————————————————————————————————————————————————————————————————————————————————————————————————————————————————————————————————————————————————­———————————————————————

———————————————————————————————————

 7. Առանձնացրո՛ւ ի՞նչ հարցին պատասխանող բառեր և բառակապակցություններ կազմի՛ր: Օրինակ՝ կատու – սև կատու

————————————————————————————————————————————————————————————————————————————————————————————————————————————————————————————————————————————————————————­———————————————————————

—————————————————————————————————————————————————————————————————————————————————————————————————————————