Daily Archives: 3 Նոյեմբերի, 2022
Խուլի այծերը, Ա․ Խնկոյան
Մի խուլ մարդ երեք այծ ուներ: Մեկի պոզը կոտրած էր: Ինչպես է լինում, մի օր այծերը
կորում են: Տերն ընկնում է դես — դեն այծերն գտնելու:
Նա պատահում է մի ուրիշ խուլ մարդու՝ վար անելիս, և հարցնում է.
— Բարի աջողում, ախպեր, այծերիս չե՞ս տեսել:
— Լավ է՝ այսպես ցանեմ, — ձեռը մի կողմ թափ տալով պատասխանում է վար անողը:
Այծատերը կարծելով, թե դեպի ցույց տված կողմն են գնացել այծերը ասում է.
— Թող երկինքը վկա լինի, թե գտա այծերիս, պոզը կոտրածը քեզ եմ տալու:
Ասում է և գնում այծերը որոնելու: Այծերը գտնելով՝ ուրախ — ուրախ առաջն արած, քշում բերում է արտավարի մոտ և ասում.
— Շնորհակալ եմ, ախպեր, այծերիս գտա, առ այս այծն էլ քեզ, — ու պոզը կոտրած այծը քշում է դեպի նա:
— Ես չեմ կոտրել դրա պոզը, ես տեղեկություն չունեմ, զարմանալով ասում է արտավար խուլը:
— Ի՞նչ ես խոսում, — ասում է այծատերը, — ես այս այծն եմ խոստացել, որ մեռնես մյուս այծերից տվողը չեմ:
— Չէ, ես չեմ կոտրել, բարկացած ասում է մեկը:
— Չէ, ես էս այծն եմ խոստացել, — կրկնում է մյուսը:
Սա նրան, նա սրան, բանը հասնում է տուրուդմբոցի: Վերջն էլ գնում են քյոխվի մոտ գանգատ: Գյուղը չհասած սրանց հանդիպում է մի պառավ կին, նույնպես խուլ և հարսի ձեռքից փախած:
— Ա՛յ նանի, — ասում է այծատերը, — իմ այծերը կորել էին, գնացի, էս մարդուն հարցրի, սա էլ այծերիս տեղը ցույց տվեց: Պոզը կոտրած այծս տալիս եմ սրան, չի վերցնում, ես էդ այծն եմ խոստացել, որ մեռնի էլ, մյուս այծերից տվողը չեմ:
— Այ նանի, — ասում է խուլ մարդը,- էս օտարականն եկել ասում է, թե այծիս պոզը դու ես ջարդել: Թող ձեռքս ջարդվի, թե ես էդ բանից տեղեկություն ունեմ:
— Է՜, որդիքս, ձեր արևն ապրի, պատասխանում է խուլ պառավը, — ինչ էլ ուզում է լինի, ես ձեր խնդիրը չեմ կարող կատարել, քանի որ էն չարամիտ անզգամ հարսը տանն է, ես էն տունը ոտ կոխողը չեմ ու չեմ:
Հարցեր և առաջադրանքներ
1. Հեքիաթի դեպքերը հերթականությամբ թվարկի՛ր։
Խուլը կորցնում է այծը։
Հանդիպում է վար անողին։
Հարցնում է այծերի տեղը՝ խոստանալով գտնելուն պես մեկը տալ իրեն։
Գնաց վար անողի ձեռքի ուղղությամբ և գտավ այծերին։
Եկավ շնորհակալություն հայտնելու և խոստացածի պես պոզը կտրածը քշեց վար անողին։
Սկսեցին վիճել իրար հետ։
Որոշեցին գնալ գյուղապետի մոտ և ճանապարհին հանդիպեցին մի խուլ պառավի։
Պառավը սխալ հասկացավ տղամարդկանց խնդիրը։
2. Տեքստից դո՛ւրս գրիր «ի՞նչ» հարցին պատասխանող բառեր և դարձրո՛ւ հոգնակի
(շատացրու): Օրինակ՝ այծ(ի՞նչ)-այծեր(ինչե՞ր)
Ի՞նչ | Ինչե՞ր |
Օր | օրեր |
Պոզ | պոզեր |
Խուլ | խուլեր |
Ձեռք | ձեռքեր |
Կողմ | կողմեր |
Ճանապարհ | ճանապարհներ |
Տեղեկություն | տեղեկություններ |
Գյուղ | գյուղեր |
Դասարանական աշխատանք մթեմատիկայից/03․11/
Գևորգն ունի 890 դրամ։ Նա պետք է գնի 3 կգ կաղամբ և 4կգ գազար։ Որքա՞ն դրամ կմնա նրա մոտ, եթե 1կգ գազարն արժի 30 դրամ, իսկ 1կգ կաղամբը 90 դրամ։
4կգ գազար — ?
3կգ կաղամբ — ?
մնաց — ?
Լուծում՝
1․ 4 x 30 = 120
2․ 3 x 90 = 270
3․ 890 — (120 + 270) = 500
Պատ․՝ 500 դրամ մնաց
Միան ունի 1000 դրամ։ Մայրիկը խնդրել է, որ գնի 3 կգ լոլիկ և 5 կգ կարտոֆիլ։ Քանի՞ դրամ մնաց Միայի մոտ, եթե 1 կգ լոլիկն արժե 60 դրամ, իսկ 1 կգ կարտոֆիլը 30 դրամ։
Լուծում ՝
1) 3 x 60 = 180 դրամ
2) 5 x 30 = 150 դրամ
3) 1000 — (180 + 150) = 330
Պատ․՝ 330 դրամ մնաց